Goditje e rëndë ndaj trafikut ndërkombëtar të drogës është regjistruar në Itali, ku autoritetet sekuestruan mbi 770 kilogramë kokainë ekstra të pastër në portin e Vado Ligure, në veriperëndim të vendit.
Sipas autoriteteve italiane, operacioni u zhvillua nga Guardia di Finanza në bashkëpunim me Agjencinë e Doganave. Droga ishte fshehur në 650 pako, mes dhjetëra paletave me banane brenda një kontejneri frigoriferik të mbërritur nga një prej porteve kryesore të Ekuadorit. Vlera e ngarkesës në tregun e zi llogaritet rreth 250 milionë euro.
Mediat e huaja bëjnë me dije se hetimet vijojnë për identifikimin e rrjetit kriminal dhe destinacionit përfundimtar të drogës. Autoritetet italiane e kanë cilësuar këtë si një nga operacionet më të mëdha antidrogë të viteve të fundit në portin e Vado Ligure, ku vetëm pak javë më parë u sekuestruan edhe 340 kilogramë kokainë.
Marrë nga Dosja.al
