Presidenti i Serbisë, Aleksandar Vuçiç, ka shpërndarë të mërkurën Parlamentin dhe ka shpallur zgjedhje të parakohshme parlamentare më 25 tetor. Vendimi vjen pas muajsh protestash masive të udhëhequra nga studentët, të cilët e kishin kërkuar prej kohësh mbajtjen e zgjedhjeve të parakohshme.
Zgjedhjet e ardhshme parlamentare në Serbi pritej të zhvilloheshin në dhjetor të vitit 2027, por Vuçiç firmosi dekretin për shpërndarjen e Kuvendit dhe caktimin e datës së zgjedhjeve, duke pranuar kështu një nga kërkesat kryesore të lëvizjes studentore.
Vendimi vjen pas një periudhe të gjatë protestash kundër qeverisë, të cilat kanë shkaktuar një krizë të fortë politike në vend.
Lëvizja studentore ka organizuar protesta prej afro dy vitesh, duke kërkuar përgjegjësi institucionale dhe ndryshime politike. Shpallja e zgjedhjeve të parakohshme pritet të shërbejë si një test i rëndësishëm për pushtetin e Vuçiçit dhe partinë e tij.
Zgjedhjet e 25 tetorit do të përcaktojnë përbërjen e re të Parlamentit serb dhe mund të kenë ndikim të rëndësishëm në drejtimin politik të vendit në muajt e ardhshëm.
Marrë nga Tanjug.rs
