Ambasada amerikane në Tiranë ka njoftuar se njësia e Antiterrorit në Policinë e Shtetit do të pajiset me dronë të teknologjisë më të fundit, të prodhimit amerikan.
Sipas njoftimit të ambasadës, këta dronë pritet të rrisin ndjeshëm kapacitetet e Policisë së Shtetit për monitorimin e situatave, si gjatë ditës ashtu edhe natës, duke kontribuar në mbrojtjen e kufijve dhe në gjurmimin e elementëve të dhunshëm.
“Njësia e Antiterrorit në Policinë e Shtetit po pajiset me dronët më të fundit të prodhimit amerikan. Me teknologjinë e imazheve termike, këta dronë mund të rrisin aftësinë e Policisë së Shtetit në monitorimin e situatave ditë e natë për të mbrojtur kufijtë dhe për të gjurmuar elementët e dhunshëm”, thuhet në njoftimin e ambasadës amerikane.
Marrë nga Newsbomb.al
