Ndërkohë që homazhet për legjendën e filmit Alain Delon u derdhën nga e gjithë bota, pas vdekjes së tij në moshën 88-vjeçare, Franca përgatiti të hënën lamtumirën, njërit prej yjeve të saj më të mëdhenj.
Asnjë homazh kombëtar nuk u planifikua, pasi Delon e kishte bërë të qartë se, nuk donte një të tillë. Ai tha se, donte të varrosej pranë qenve të tij, në pronën e tij, në Douchy në Francë, ku vdiq.
Ai kishte filluar t’ua bënte të ditur autoriteteve lokale atje, tha për AFP Christophe Hurault, nënprefekti i Loiret. Prefektura “kishte bërë marrëveshje në parim”.
Tani ata menaxhuan funeralin e ikonës së ekranit, duke vendosur ta kufizojnë atë me rrethin e ngushtë familjar .
Delon, natyrisht, dominoi të hënën faqet e para të gazetave franceze, shumë prej tyre shfaqnin portrete në faqe të plota të aktorit në kulmin e tij.
“Samurai i fundit”, shkroi Le Figaro në titullin e saj kryesor në faqen e parë, një referencë për një nga rolet e tij më të famshme, si vrasësi enigmatik në thrillerin e Jean-Pierre Melville të vitit 1967 “Le Samourai”.
Fundi i një epoke
Interpretimet e Delon në disa nga filmat më të mëdhenj të viteve 1960 dhe 70 u vlerësuan gjerësisht dhe karizma e tij në ekran e pamundur të injorohej.
