OpenAI zbuloi një operacion dezinformimi të udhëhequr nga Irani, i cili përdori inteligjencën artificiale të ChatGpt për të krijuar lajme të rreme për mediat sociale.
Në një deklaratë, kompania tha se kishte identifikuar llogari që përdorin chatbot për të gjeneruar përmbajtje për pesë faqe interneti, në anglisht dhe spanjisht.
Fushata, e quajtur “Stuhia-2035”, kishte qëllim të krijonte konfuzion për tema të nxehta si zgjedhjet presidenciale, të drejtat e LGBTQ+ dhe lufta në Gaza.
Siç shkruan Engadget, hakerët iranianë kanë krijuar një rrjet faqesh interneti të rreme dhe llogari të mediave sociale për të përhapur përmbajtje manipuluese, por përpjekjet e tyre kanë qenë kryesisht të kota.
