Tendencat demografike në Evropë po shfaqin një realitet të ri kompleks, ku Shqipëria figuron si një nga vendet më të prekura nga dinamikat e kombinuara të rënies së fertilitetit dhe emigracionit masiv të popullsisë në moshë riprodhuese. Sipas Raportit Botëror të Migracionit 2026, ndërsa Evropa po kalon nëpër ndryshime të thella strukturore, rajoni ynë mbetet në qendër të një krize demografike që rrezikon të thellohet në dekadat në vijim ku Shqipëria është ndër vendet me te prekura.
Raporti nënvizon se në vende si Shqipëria, Lituania, Moldavia dhe Bosnjë-Hercegovina, procesi i emigrimit po ndikon drejtpërdrejt në humbjen e lindjeve të mundshme. Ndërsa kontinenti evropian ka parë një rënie të numrit të qytetarëve të tij që jetojnë jashtë vendit , nga rreth 20 milionë në vitin 1990 në 16 milionë në vitin 2024 – Shqipëria ndjek një trajektore të ndryshme më një rritje te ndjeshme të qytetarëve të saj që jetojnë jashtë vendit.
Shqipëria klasifikohet ndër vendet ku shkalla e lindshmërisë është nën nivelin e zëvendësimit. Emigrimi i popullsisë në moshë riprodhuese e përkeqëson këtë situatë, pasi largimi i të rinjve redukton potencialin demografik të vendit për të ardhmen.
Ndërsa disa vende evropiane, si Gjermania apo italia, arrijnë të zbusin rënien e popullsisë përmes imigracionit, vendet e Ballkanit Perëndimor po përballen me një rrjedhje të vazhdueshme të kapitalit njerëzor, gjë që e bën stabilizimin demografik shumë më sfidues.
Raporti thekson se pasiguria gjeopolitike dhe migracioni i shkaktuar nga konfliktet dhe kanë ndryshuar hartën e korridoreve migratore në Evropë, duke e bërë Gjermaninë një nga destinacionet kryesore globale. Megjithatë, për vendet si Shqipëria, sfida mbetet si të transformohet një ekonomi me emigracion të lartë në një ekonomi që ruan dhe zhvillon burimet e veta njerëzore në një kohë kur popullsia po plaket me shpejtësi.
Marrë nga Monitor
