Protesta studentore në Tiranë po vijon prej disa ditësnh me përmasa të dhunshme, ku nuk kanë munguar përplasjet mes efektivëve dhe protestuesve si dhe dhuna ndaj studentëve.
Protestuesit u mblodhën mesditën e sotme para godinës së Ministrisë së Arsimit ku po vijojnë të protestojnë. Kërkesa e tyre kryesore mbetet rrëzimi i qeverisë, dhe dorëheqja e panegociueshme e kryeministrit Rama.
Mësohet se, protestuesit i kanë vënë flakën koshave para ministrisë për të shprehur indinjatën e tyre, ndërsa një pjesë prej tyre është shprehur se do të vijojnë qendresën deri në arritjen e objektivit.
Në mbështetje të studentëve janë bashkuar edhe pedagogët e universiteteve publike, të cilët kanë bojkotuar procesin mësimor që prej 21 tetorit.
Sindikata e Punonjësve të Universiteteve të Shqipërisë ka bërë të ditur se bojkoti do të vijojë deri në një vendim të dytë.
Studentët këmbëngulin se nuk do të tërhiqen, duke kërkuar përgjegjësi për rastet e pretenduara të dhunës, ndryshime në sistemin arsimor dhe largimin e kryeministrit Edi Rama.
Marrë nga Dosja.al
