Asambleja Kombëtare e Partisë Socialiste zhvilloi punën ditën e sotme. Kreu i kësaj force politike, Edi Rama është shprehur se për gjashtë muaj do të jetë gati skuadra e re përfaqësuese “PS 2030”. Rama në Asamble nuk ka ngurruar që të sulmojë dhe Opozitën duke i quajtur ata të rraskapitur.
Kreu i PS ka publikuar edhe listën me drejtuesit politikë në 12 qarqet e vendit. Drejtuesit e qarqeve: Tiranë- Elisa Spiropali, Erion Veliaj, Ogerta Manastirliu; Durres- Emiriana Sako; Shkodër- Benet Beci; Lezhe- Ulsi Manja; Kukes- Pandeli Majko; Elbasan- Arbjan Mazniku; Fier- Belinda Balluku; Korce- Niko Peleshi; Gjirokaster- Mirela Kumbaro; Berat- Ervin Demo; Vlorë- Bledi Çuçi; Dibër- Blendi Gonxhe; Diaspora- Taulant Balla.
Kryeministri ka prezantuar edhe përbërjen e drejtimit të Asamblesë së Partisë Socialiste ku si kryetar ka propozuar Blendi Klosin.
Më tej gjithashtu ka prezantuar 14 emrat nga të cilët 10 prej tyre do të zgjidhen nga Asambleja si anëtar Kryesie. Në listën e burrave janë: Arben Pëllumbi, Erjon Braçe, Eduard Shalsi, Pirro Vëngu, Pjerin Ndreu, Toni Gogu, Vangjel Tavo. Në listën e grave janë: Albana Koçiu, Anila Denaj, Delina Ibrahimi, Etilda Gjonaj, Klodiana Spahiu, Klotilda Bushka dhe Lindita Nikolla.
Vihet re se nga kjo listë janë përjashtuar gjashtë emra të cilët Rama duket se nuk i do më në radhët e Partisë Socialiste dhe i ka lënë pa asnjë vendimarrje. Në listën e këtyre emrave janë: Armando Subashi, Ilir Beqaj, Olta Xhaçka, Ditmir Bushat, Mimi Kodheli dhe Blerina Gjylameti.
