Shtëpia e Bardhë e SHBA-së është shprehur skeptike për arritjen e marrëveshje armëpushimit mes Hamasit dhe Izraelit së shpejti.
Shtëpia e Bardhë po rivlerëson strategjinë e saj për arritjen e një marrëveshjeje armëpushimi, sipas zyrtarëve të paidentifikuar të Shteteve të Bashkuara të cituar nga gazeta Axios.
“Është një periudhë e vështirë. Njerëzit në Shtëpinë e Bardhë janë të trishtuar, të mërzitur dhe të frustruar. Ne jemi ende duke punuar, por nuk do të prezantojmë asgjë menjëherë. Jemi në një vend të vështirë”, citohet të ketë thënë një zyrtar amerikan për Axios.
Zyrtarët amerikanë të paidentifikuar i thanë Axios se këshilltarët kryesorë të presidentit amerikan Joe Biden janë bërë skeptikë për arritjen e një marrëveshjeje në çdo kohë së shpejti.
