Revista gjermane, DerSpiegel akuzon kryeministrin Edi Rama se ka tentuar të intimidojë drejtuesit e Spiegel duke i telefonuar për të ndikuar në artikull.
Në këtë mënyrë Rama bën sërish skandal në arenën ndërkombëtare, pasi rasti tjetër ishte telefonata pas publikimit të investigimit të Rai3, i cili nxirrte në pah lidhjet e qeverisë me krimin e organizuar, si dhe rolin e vëllait të kryeministrit, Olsi Ramën.
‘I përballur me akuzat përkatëse nga SPIEGEL, Kryeministri telefonoi vonë në mbrëmje dhe u përpoq të ndikojë në raportim: Ai i konsideroi akuzat si jo thelbësore, ofenduese dhe dëmtuese të pamerituara për reputacionin e vendit të tij’, thuhet në shkrimin e Der Spiegel.
