Ish-deputeti i Partisë Demokratike, Gerti Bogdani ka ndërruar jetë në moshën 44-vjeçare. Dyshohet se ish-deputeti ka pësuar arrest kardiak.
Lidhur me ndarjen nga jeta të e ish-deputetit Gert Bogdani ka reaguar edhe policia. Sipas njoftimit, ish-deputeti është gjetur pa ndjenja në ambientet e një hoteli në bulevardin “Dëshmorët e Kombit”. Gjithashtu nga veprimet e kryera paraprakisht dyshohet se vdekja ka ardhur për shkaqe natyrale.
Pasi mësuan për lajmin e ndarjes nga jeta të Bogdanit, deputetët e Partisë Demokratike kanë braktisur mbledhjen e grupit dhe janë nisur me urgjencë në QSUT. Mbledhja e Komisionit të Mandateve është ndërprerë pas lajmit për ndarjen nga jeta të ish-deputetit të PD-së, Gerti Bogdani. Kreu i Grupit të PD-së, Gazment Bardhi kërkoi ndërprerjen e menjëhershme të mbledhjes. Gjithashtu Bardhi shpreh se largimi nga jeta i Gerti Bogdanit është tronditës dhe shumë i rëndë për kolegët e tij.
Kryetarja e Këshillit të Mandateve, Elisa Spiropali ka shprehur ngushëllime për ndarjen nga jeta të ish-deputetit demokrat Gerti Bogdani. Kreu i Partisë Demokratike Sali Berisha ka reaguar në lidhje me ndarjen nga jeta të ish-deputeti demokrat Gerti Bogdani. Berisha tha se kjo është një humbje e madhe, për PD-në, por është një humbje e vërtetë për shoqërinë Shqiptare.
