Policia raportohet se ka gjetur ‘eksplozivë’ në një makinë pranë zonës ku do të mbahet një tubim elektoral i ish-presidentit Donald Trump në Long Island.
Ky është kërcënimi i radhës ndaj jetës së republikanit Trump, i cili fatmirësisht i ka mbijetuar deri më tani dy tentativave për vrasje nga dy persona të armatosur.
“Askush nuk e pa nëse ai kishte ndonjë gjë me vete, ata thjesht e panë atë duke u larguar me vrap. Shumë makina po parkojnë tani, ato janë rreshtuar në Hempstead Turnpike. Edhe në Eisenhower Park, ata thjesht po parkojnë atje”, thuhet nga raportimi i One America News Network.
Mijëra mbështetës republikanë pritet të zbresin në Long Island këtë pasdite përpara tubimit në Nassau Coliseum.
