Mbi 12,300 civilë kanë humbur jetën që nga fillimi i pushtimit rus të Ukrainës, tha një zyrtar i OKB-së gjatë një takimi të mbajtur këtë të mërkurë.
Rritja e viktimave është lidhur kryesisht me përdorimin e armëve të reja, si dronët, raketat me rreze të gjatë dhe bombat me fluturim, të cilat Rusia ka përdorur më shpesh në sulmet ndaj qyteteve të largëta të Ukrainës.
Sipas të dhënave të fundit, sulmet intensive të ushtrisë ruse në lindje të Ukrainës kanë sjellë një rritje prej 30% të numrit të viktimave civile. Vetëm në periudhën shtator-nëntor 2024, janë regjistruar 574 të vdekur, krahasuar me vitin e kaluar.
Nada Al-Nashif, Nënkomisionerja e Lartë e Kombeve të Bashkuara për të Drejtat e Njeriut, theksoi se intensifikimi i operacioneve ushtarake ruse ka ndikuar rëndë në jetën e civilëve, veçanërisht në rajonet e Donetskut, Khersonit dhe Zaporizhzhias, të cilat janë të prekura nga luftime të ashpra.
