Numri i ekzekutimeve në mbarë botën u rrit ndjeshëm në vitin 2025, duke shënuar në nivelin më të lartë që nga viti 1981.
Një rritje e nxitur kryesisht nga Irani, ku u dyfishua vitin e kaluar, thotë raporti vjetor i Amnesty International.
Organizata me seli në Londër për të drejtat e njeriut raportoi të paktën 2,707 ekzekutime në mbarë botën në vitin 2025; por kjo shifër nuk përfshin mijëra ekzekutime që ndodhën në Kinë, vendi që Amnesty beson se kryen më shumë ekzekutime në botë”, shpjegohet në raport.
Numri i personave të ekzekutuar në mbarë botën u rrit me 78%, duke arritur nivelin më të lartë që nga viti 1981, kur OJQ-ja numëroi 3,191 ekzekutime, duke përjashtuar Kinën. Irani përbënte 80% të ekzekutimeve të regjistruara nga Amnesty në vitin 2025. Të paktën 2,159 u varën, nga 972 në vitin 2024.
“Autoritetet iraniane kanë intensifikuar përdorimin e dënimit me vdekje”, të cilin e përdorin si një “mjet shtypjeje dhe kontrolli politik”, duke rezultuar në “një rritje të lartë të numrit të ekzekutimeve”, thuhet në raport.
Ekzekutimet janë rritur ndjeshëm, veçanërisht pas luftës 12-ditore kundër Iranit të nisur nga Izraeli dhe SHBA-të në qershor. 654 ekzekutime ndodhën para asaj lufte, por 1,505 të tjera pasuan midis korrikut dhe dhjetorit.
Marrë nga Reuters
