Falë kampionëve të Gjermanisë në futboll qyteti i Mynihut dhe shteti i Bavarisë përfitojnë në aspektin ekonomim miliarda euro çdo vit. Ndikimi ekonomik i FC Bayern arrin në total 4.5 miliardë euro. Kjo shifër është nxjerrë nga një studim i bërë prej “SLC Management”.
FC Bayern përbën afërsisht 30 përqind të të gjithë mbulimit mediatik të Bundesligës gjermane. Përveç kësaj, një anketë e kryer në të gjithë Gjermaninë, ku u pyetën njerëz të ndryshëm se çfarë u shkon në mendje kur u përmendet qyteti i Mynihut, përgjigjet më të shpeshta ishin për Bayernin…
FC Bayern doli në vendin e parë me 60 përqind, e ndjekur nga “Allianz Arena” në vendin e dytë me 59 përqind, ndërsa ikona e klubit bavarez, Franz Beckenbauer u rendit në vendin e dhjetë me 26.5%.
“Dimensioni ekonomik i futbollit profesional në Gjermani nuk mund të reduktohet në pagat e larta të lojtarëve”, tha Prof.Dr. Alfons Madeja, drejtor i “SLC Management”. “Përfitimi social, veçanërisht për shtetin dhe rajonin përkatës, është vërtetuar me disa shifra mbresëlënëse. Kjo padyshim vlen në veçanti për FC Bayern Mynihun, si lider edhe në industrinë sportive”.
Marrë nga Dosja.al
