Autoritetet e Guatemalës kanë rënë dakord të pranojnë emigrantë të paligjshëm të dëbuar nga Shtetet e Bashkuara të Amerikës.
Presidenti Bernardo Arevalo e bëri të ditur një gjë të tillë gjatë një konference të përbashkët për mediat me Sekretarin e Shtetit të SHBA-së, Marco Rubio, duke shtuar se vendi do të rrisë numrin e fluturimeve që vijnë nga SHBA që transportojnë emigrantë të paligjshëm, si guatemalanë ashtu edhe shtetas të huaj në pritje të riatdhesimit të tyre.
Presidenti Arevalo sqaroi se Guatemala nuk do të jetë një “vend i tretë i sigurt” ku të dëbuarit e huaj që vijnë nga Shtetet e Bashkuara të Amerikës mund të aplikojnë për azil.
Sipas marrëveshjes së shpallur nga Arevalo, të dëbuarit do të ktheheshin në vendet e tyre të origjinës me shpenzimet e SHBA.
Marrë nga Mcntv.al
