Banka Qendrore e Holandës (DNB) ka zhvendosur 86 ton ar, me vlerë rreth 10 miliardë euro, nga rezervat e mbajtura kryesisht në Nju Jork dhe pjesërisht në Otavë drejt Londrës.
DNB e ka justifikuar vendimin me rritjen e paqëndrueshmërisë politike dhe nevojën për të qenë e përgatitur për kriza të mundshme gjeopolitike.
Rreth 59 ton ar u transferuan përmes shitjes së shufrave në tregun e Amerikës së Veriut dhe blerjes së një sasie të barabartë në tregun londinez, ndërsa 27 ton të tjera u transportuan fizikisht në Holandë dhe më pas në Londër. Sipas Bankës Qendrore, ari në Londër është më i lehtë për t’u likuiduar në rast nevoje urgjente për fonde.
DNB thekson se shpërndarja më e balancuar e rezervave mes Holandës, Londrës dhe Amerikës së Veriut synon të diversifikojë rreziqet dhe të sigurojë akses më të shpejtë në ar në rast të një krize.
Marrë nga The Guardian
