Ushtria izraelite zgjeroi ofensivën e saj tokësore në Rripin jugor të Gazës, duke përparuar në lagjen al-Jneina të Rafah, si pjesë e përpjekjeve për të zgjeruar një zonë tampon përgjatë kufijve të enklavës.
Më vete, dhjetëra sulme ajrore u kryen gjatë fundjavës, duke synuar atë që ushtria thotë se janë Hamasi dhe infrastruktura e Xhihadit Islamik Palestinez. Objektivat përfshinin depo armësh, raketahedhës dhe ndërtesa të përdorura nga grupet terroriste. Sulmet, shtoi ushtria izraelite, vranë gjithashtu disa operativë terroristë, përfshirë ata që ishin përgjegjës për sulmet me mortaja ndaj Izraelit.
IDF tha se trupat e saj fillimisht qëlluan ndaj automjeteve të Hamasit, duke vrarë disa terroristë, por menjëherë më pas automjete të tjera u afruan në mënyrë të dyshimtë, duke bërë që ushtria të hapte përsëri zjarr, duke goditur anëtarët e dyshuar të Hamasit dhe Xhihadit Islamik.
Pas një hetimi paraprak, IDF pranoi se disa nga automjetet e synuara ishin autoambulanca dhe zjarrfikëse.
Marrë nga Top Albania Radio
