Presidenti amerikan Donald Trump nuk ka një përgjigje nëse do të vendosë sanksione kundër Rusisë, të cilat po shqyrtohen nga Senati i SHBA-së.
Senati po shqyrton një projektligj që do të vendoste sanksione të ashpra ndaj Rusisë, dhe sanksione dytësore ndaj vendeve që tregtojnë me Rusinë – për shkak të luftës së saj në Ukrainë.
“Nuk kam vendosur ende nëse do vendosim sanksione të reja. Do t’i përdor nëse është e nevojshme,” u tha Trump gazetarëve në bordin e Air Force One.
Komentet e tij vijnë pasi Wall Street Journal raportoi se administrata Trump po ushtronte presion mbi mbështetësin më të madh republikan të projektligjit, senatorin Lindsey Graham, për të dobësuar ndjeshëm sanksionet.
Marrë nga Reuters
