Mbi 122,000 rusë janë larguar nga rajonet kufitare për shkak të pushtimit të rajonit të Kurskut të Ukrainës, sipas mediave ruse.
Presidenti ukrainas, Volodymyr Zelensky ka thënë më parë se forcat e tij kanë kapur 1,250 kilometër katrorë hapësirë dhe 92 vendbanime në Kursk deri më tani.
Forcat ukrainase po ashtu kanë shkatërruar tri ura në këtë rajon, duke vështirësuar furnizimet për ushtrinë ruse.
“Detyra jonë kryesore në operacionet mbrojtëse në përgjithësi është të shkatërrojmë sa më shumë potencial luftarak rus dhe të kryejmë veprime maksimale kundërofensive”, ka thënë ai në një videofjalim të natës.
“Kjo përfshin krijimin e një zone neutrale në territorin e agresorit, operacionin tonë në rajonin e Kurskut”, ka shtuar ai.
