Gjiganti amerikan i transmetimit, Netflix, ka humbur rreth 15 miliardë dollarë në vlerën e tregut pasi miliarderi Elon Musk akuzoi platformën për “anshmëri woke” dhe u kërkoi ndjekësve të tij të anulonin abonimet.
Aksionet e Netflix ranë 4.3% brenda një dite e gjysmë në 1,140 dollarë deri në mesditën e të enjtes, duke e ulur kapitalin e tij të tregut në 483 miliardë dollarë nga 498 miliardë dollarë të mërkurën, treguan të dhënat e tregtimit.
Shkaku i rënies së aksioneve
Rënia erdhi pasi Musk u bëri thirrje përdoruesve të bojkotojnë Netflix për shkak të shfaqjes së animuar “Dead End: Paranormal Park”, e cila përmban një personazh transgjinor. Edhe pse u anulua në vitin 2023 pas dy sezoneve, shfaqja mbetet e disponueshme në platformë me një vlerësim TV-Y7 për fëmijët shtatë vjeç e lart.
Fushata e Musk-ut filloi të martën kur ai ripostoi një video në X duke treguar një nga personazhet e shfaqjes që identifikohet si transgjinor. “Dead End Paranormal Park, një shfaqje në Netflix, po shtyn pro-transgjinorizmit nëpërmjet FËMIJËVE. Kjo shfaqje reklamohet për 7-VJEÇARËT,” shkruante llogaria. Musk u përgjigj: “kjo nuk është në rregull.”
Më vonë ai ripostoi mesazhe nga përdoruesit që pretendonin se kishin anuluar Netflix-in dhe akuzoi shërbimin se po shtynte përpara “propagandën LGBTQ+.” Të mërkurën, ai shkroi: “Anuloni Netflix për shëndetin e fëmijëve tuaj.” Në një postim tjetër, ai tha: “Propaganda transgjinore nuk është thjesht në sfond në Netflix. Ata po e shtyjnë atë në mënyrë aktive te përdoruesit.”
Marrë nga Associated Press
