Një trup i pajetë në periferi të Moskës, ishte një ministër i shkarkuar rus,

Disa orë pasi presidenti Vladimir Putin e shkarkoi nga posti i ministrit të Transportit të Rusisë, Roman Starovoit u gjet në veturën e tij Tesla, të parkuar në periferinë e Moskës, i vdekur si pasojë e një plage të shkaktuar me armë zjarri, thanë hetuesit.

Starovoit me shumë gjasë kishte kryer vetëvrasje, thanë zyrtarët.

Por, në Rusi, vdekjet e çuditshme përbëjnë, pothuajse gjithmonë, shkas për spekulime të shfrenuara, e në këtë rast për veprime të dyshimta kriminale.

Megjithatë, është tejet e rrallë që zyrtarët më të lartë qeveritarë rusë të kryejnë vetëvrasje, edhe nëse ata njollosen nga ndonjë skandal.

I hedhim një vështrim disa prej vdekjeve të dyshimta të zyrtarëve rusë të nivelit të lartë – dhe të udhëheqësve të kompanive të industrisë energjetike – të cilat kanë tërhequr vëmendje në vitet e fundit:

Shkallët vdekjeprurëse të pushtetit në Rusi

Numri i udhëheqësve të bizneseve dhe i zyrtarëve qeveritarë rusë që kanë vdekur në rrethana të dyshimta që nga viti 2022 po rritet. Shkaktarët përfshijnë rënie nga dritaret dhe plagë nga arma e zjarrit.

 

Table with 6 columns and 9 rows. Sorted ascending by column “Posti” (column headers with buttons are sortable)

	Emri	Posti	Mënyra e vdekjes	Data e vdekjes	Mosha
	Vladimir Makarov	Ish-gjeneralmajor, njësiti kundër ekstremizmit në Ministrinë e Brendshme ruse	U gjet i vdekur në shtëpi, në periferi të Moskës	13 shkurt 2023	72
	Aleksandr Subbotin	Ish-kryekontabilist në Novatek, prodhuesi i dytë më i madh i gazit natyror në Rusi	U gjet i vdekur pas sulmit të raportuar në zemër në shtëpi, në periferi të Moskës	8 maj 2022	43
	Sergey Protosenya	Ish-menaxher në Novatek, prodhuesi i dytë më i madh i gazit natyror në Rusi	U gjet i varur në vilën e tij, në Spanjë	19 prill 2022	55
	Roman Starovoit	Ish-ministër i Transportit *	Vdekje nga plaga e shkaktuar nga arma e zjarrit në një parking automjetesh në periferi të Moskës	7 korrik 2025	53
	Vladimir Nekrasov	Kryetar i Bordit të Drejtorëve, Lukoil	Sulm i raportuar në zemër	1 tetor 2023	66
	Ravil Maganov	Kryetar i Bordit të Drejtorëve, Lukoil	Rënie nga dritarja në një spital të Moskës	30 janar 2022	67
	Vitaly Robertus	Nënkryetar i Lukoil-it, kompanisë më të madhe private të naftës në Rusi	U gjet i varur në zyrë në Moskë	1 mars 2024	53
	Andrey Badalov	Nënkryetar i Transneft-it, kompani shtetërore e naftsjellësve	Rënie nga dritarja e banesës në Moskë	4 korrik 2025	62
	Leonid Shulman	Udhëheqës i shërbimit transportues për Gazprom Invest-in, njësit i gjigantit shtetëror rus të gazit Gazprom	U gjet i vdekur në vaskë në pushimore, në rajonin e Leningradit	30 janar 2022	60