Një valë e re e të nxehtit ka përfshirë Brazilin dhe do të zgjasë deri më 21 shkurt, duke bërë që temperaturat në pjesën më të madhe të vendit të Amerikës së Jugut të rriten në rreth shtatë gradë mbi mesataren.
Në shtetet e Rio de Janeiro, Minas Gerais, Bahia, Pernambuco dhe Piauí, temperaturat mund të arrijnë deri në 40 gradë, raportojnë mediat ndërkombëtare.
Këtë javë, Instituti Kombëtar i Meteorologjisë, Inmet, lëshoi një paralajmërim të nxehtësisë ekstreme për shtetin jugor brazilian të Paranës, një alarm që mund të shtrihet në ditët në vijim në shtetet e Mato Grosso do Sul, São Paulo dhe Espírito Santo.
Marrë nga Reuters
