Një sasi me speca të kuq që u eksportuan drejt Sllovenisë nga Shqipëria janë tërhequr me urgjencë nga tregu për shkak të niveleve të larta të pesticideve që janë zbuluar në to.
Mësohet se produkti është importuar në Slloveni nga data 24 gusht deri në 4 shtator, ndërsa kanë qenë të paketuara në kuti kartoni dhe plastikë.
Sakaq, kompania u ka kërkuar klientëve ta kthejnë produktin në vendin e blerjes dhe nëse kjo nuk është e mundur, ata duhet ta hedhin atë.
Kompania ka këshilluar personat që kanë rënë në kontakt me ushqimin e kontaminuar duhet të dezinfektojnë duart dhe në rast të të përzierave ose problemeve me tretjen, ata duhet të kontaktojnë mjekun më të afërt.
Ndwrkohw, jo mw larg se dje Kroacia ka bllokuar një sasi prej 5,562 kg pjeshkë me origjinë nga Shqipëria, për shkak të pranisë së nikelit mbi normat e lejuara.
Njoftimi për këtë rast u mor nga Sistemi RASFF më 22 gusht 2025, dhe u konfirmua pas analizave të kryera në shtetin kroat. Pas marrjes së njoftimit, Autoriteti Kombëtar i Ushqimit në Shqipëri (AKU) ka nisur hetimet dhe ka gjetur se produkti nuk ishte shpërndarë në tregun vendas, por ishte dërguar ekskluzivisht për eksport.
Sasia e pjeshkëve u asgjësua në Kroaci pas rezultatëve të analizës. Ky rast është përcjellë dhe për masa të tjera nga autoritetet shqiptare.
Marrë nga Lapsi.al
