Kandidati republikan për president Donald Trump mblodhi më shumë para se Joe Biden në tremujorin e dytë të vitit.
Grupet e lidhura me ish-presidentin amerikan mblodhën 431.2 milionë dollarë midis prillit dhe qershorit, 98.9 milionë më shumë se grupet pro-Biden, të cilat mblodhën 332.4 milionë.
Shifrat publikohen nga Financial Times, ku shkruhet se tremujori i dytë u mbyll në fund të qershorit, vetëm disa ditë pas debatit presidencial famëkeq të 27 qershorit, ku mediat dhe demokratët filluan të vinin në dyshim aftësinë shëndetësore të Biden për drejtimin e Shtëpisë së Bardhë.
