Unionit Turistik Shqiptar kërkon thjeshtimin e procedurave për pajisjen me leje qëndrimi të punonjësve të huaj, pasi e shikon të pamundur plotësimin e kërkesës për punonjës brenda vendit. Sipas operatorëve të këtij tregu sektorit turistik të vendit i nevojiten 30 mijë punonjës, kryesisht në hotelieri, F&B, plazhe dhe transport turistik. Në takimin më të fundit që kanë patur drejtuesit e Unionit Turistik Shqiptar, kanë parashtruar kërkesa e tyre për Ministrinë e Turizmit të cilat në mënyrë të përmbledhur janë:
– Implementimi në akt ligjor të sigurimeve jashtë sezonit: (parashikuar në Strategji)
– Ngritja e linjave të dedikuara të transportit publik me destinacion bregdetin.
– Ngritja e një Akademie Turizmi për të rritur kapacitetet profesionale për turizëm cilësor.
– Rritja e pjesmarrjes në panairet ndërkombetare dhe aktivitetet promovuese rajonale.
– Plotesimi i nevojës për rreth 30 mijë vende të reja pune që ka sektori, kryesisht në hotelieri, F&B, plazhe, transport turistik, etj.
Sipas Unionit Turistik Shqiptar punonjësit mund të sigurohen nga tregjet ndërkombëtare dhe për këtë qëllim i është kërkuar Drejtoreshës së Emigracionit, e pranishme në takim, që të thjeshtohen procedurat për pajisje me leje qëndrimi të punonjësve të huaj.
Propozimet e tyre drejtuesit e Unionit Turistik Shqiptar, i kanë bërë të dituar edhe me anë të një postimi në rrjetet sociale, ku kërkojnë bashkëpunim me Ministrin e Turizmit.
Marrë nga Scantv.al
