Një listë e publikuar pak më herët nga “Boldnews.al” për pagat e përfituara nga drejtuesit e organizatave jo-qeveritare në Shqipëri, krijoi kërshëri në mjedisin mediatik e publik. Megjithatë, “guri i kurorës” në pagesat e njerëzve të “shoqërisë civile” qëndron një emër-Delina Fico.
Të dhënat zyrtare tregojnë që Fico ka marrë rreth 1 milionë dollarë vetëm si rrogë për angazhim për Reformën në Drejtësi në Shqipëri.
Shifrat janë deklaruar prej vetë Ficos në dokumentat zyrtare, ku ka shënuar se ka përfituar një pagë mesatarisht 100 mijë dollarë në vit.
Ajo, prej të paktën 10 vitesh është drejtuese për Programet e Shoqërisë Civile në organizatën “East-West anagement Institute” (EWMI), e cila është kontraktuar nga USAID-i për mbështetjen e realizimit të Reformës në Drejtësi në Shqipëri.
Revista amerikane “Judical Watch” publikoi dokumenta autentikë, në të cilën zbulohej roli i Ambasadës Amerikane dhe posaçërisht ish-ambasadorit Donald Lu, në krijimin e kushteve për dorëzimin e kontratës milionë dollarëshe tek “East-West Management Institute”.
Sipas të dhënave të “Judical Watch”, dokumentet tregojnë se “fondet e USAID-it u derdhën përmes Projektit të Shoqërisë Civile të asaj agjencie për të mbështetur Fondacionet e Sorosit të krahut të majtë të Shoqërisë së Hapur në Shqipëri, veçanërisht përpjekjet e operacionit Soros për t’i dhënë qeverisë socialiste kontroll më të madh të gjyqësorit. USAID thuhet se ka dhënë 9 milionë dollarë në vitin 2016 për fushatën “Drejtësia për të gjithë”, e cila mbikëqyret nga “Instituti i Menaxhimit Lindor Perëndimor” i Soros”.
Rrogë, edhe si drejtuese, edhe si eksperte
Kur “Boldnews.al” raportoi për pagat e drejtuesve të organizatave të shoqërisë civile në Shqipëri, theksoi se ato ishin vetëm rrogat mujore. Pasi, anëtarët e OJQ-ve përfitojnë pagesa të tjera edhe si ekspert në projekte të ndryshme, të fituara prej vetë atyre apo edhe të organizatave si-motra.
Delina Fico është një rast tipik se si ajo, ndërkohë që ishte Drejtore e Programeve të Shoqërisë Civile pranë “East-West Management Institute”, përfitonte të ardhura të tjera si eksperte edhe në organizatat e tjera jo-qeveritare, të financuara prej kompanisë ku ajo bënte pjesë.
Këto të ardhura si “eksperte” në organizatat e tjera arrijnë në vlerën e disa mijëra dollarëve.
Sipas të dhënave të konsultuara nga “Boldnews.al”, Delina Fico është paguar si eksperte nga shoqata si Komiteti Shqiptar i Helsinkit, “Partners Albania for Change and Development” dhe “Partners for Democratic Change”.
Dy të parat, me seli në Shqipëri, përfshihen në listën e drejtuesve të OJQ-ve me pagesat më të larta në Shqipëri.
Marrë nga Boldnews.al
