6 viça të sekuestruar në Dibër janë nxjerrë në ankand nga shteti, pasi kanë kaluar në administrim të Agjencisë së Administrimit të Pasurive të Sekuestruara dhe Konfiskuara. Kafshët janë sekuestruar në Pesjakë të Maqellarës dhe kanë një peshë totale prej rreth 1,675 kilogramësh. Në njoftimin zyrtar nuk bëhet e ditur arsyeja apo rrethanat se përse viçat janë sekuestruar.
Çmimi fillestar i shitjes është përcaktuar në 854,250 lekë, pa TVSH. Ankandi do të zhvillohet në Tiranë, pranë kompleksit “Delijorgji”.
Rasti është i veçantë për shkak se, ndryshe nga pasuritë e tjera që zakonisht dalin në ankand pas sekuestrimit ose konfiskimit, këtë herë shteti ka nxjerrë në shitje kafshë të gjalla.
Marrë nga Dosja.al
