Pas dorëheqjes së Vangjel Tavo i cili kandidon në Himarë, Kristo Kiço është emëruar prefekt i Qarkut të Vlorës.
Kristo Kiço fillimisht ka shërbyer si nënkryetar bashkie në qytetin bregdetar të Sarandës, më pas në detyrën si kryetar i Bashkisë Finiq. Më 2023 Kristo Kiço u emërua mnënprefekt i Sarandës.
Në rolin e tij të ri si prefekt i Qarkut të Vlorës, Kristo Kiço do të mbikëqyrë dhe koordinojë funksionimin e administratës qendrore në nivel qarku. Kiço gjithashtu mbanë edhe postin e kryetarit të partisë MEGA, parti e minoritetit grek në Shqipëri.
Për këtë ka reaguar dhe historiani Arben Llama i cili shprehet se zgjedhja e Kristos Kiços si prefekt i Qarkut të Vlorës tregon që Rama është në shërbim të Greqisë.
Llama ka ndarë disa foto ku shihet Kristos Kiços në takime me drejtues nazistë të Agimit të Artë dhe me tri njerës të shpallur në Shqipëri Non Grata, Babis Karathanos, Kristo Papas dhe diplomati grek Theodhor Ikonomu.
“Një përshëndetje Edi Ramës, Begajt dhe cucës të Shish. Prefekti i Vlorës Kristos Kiços në takime me drejtues nazistë të Agimit të Artë dhe me tri njerës të shpallur në Shqipëri Non Grata, Babis Karathanos, Kristo Papas dhe diplomati grek me xhup kinezi Theodhor Ikonomu, si dhe me të kërkuarin nga interpoli Mondi Kolila. Rama në shërbim të Greqisë. Thjesht duhet ti biem telefonit të Zotit ta ndali këtë se vetë PD është në shërbim të Greqisë. Ka mbetur jetim çështja kombëtare.”
Ai shtron pyetjen “Kush ja propozojë Edi Ramës, kryetarin e partisë greke MEGA për prefekt të Vlorës ose nënprefekt Kristaq Kriston.
