Këshilli Drejtues i Radio Televizionit Shqiptar ka vendosur të rrëzojë procedurën e hapur më 6 janar për zgjedhjen e Drejtorit të Përgjithshëm, një proces që ishte pezulluar më 30 janar pas kërkesës së Komisionit Parlamentar të Medias.
Në mbledhjen e mbajtur ditën e sotme, Këshilli Drejtues ka miratuar vendimin për rihapjen e garës për këtë pozicion, duke filluar një procedurë të re nga e para.
Të gjithë të interesuarit do të kenë mundësinë të paraqesin dokumentet e kërkuara deri në datën 15 prill, sipas procedurave ligjore, që mund të merren nga faqja zyrtare e RTSH-së. Pas shqyrtimit të dokumenteve, Këshilli Drejtues do të mbajë një mbledhje të dytë për të marrë vendimin përfundimtar.
“Miratoj sot hapjen e garës së konkurrimit për Drejtor të Përgjithshëm të Radio Televizionit publik Shqiptar. Të interesuar do të kenë afat nga nesër deri në datën 15 prill 2025, brenda orarit zyrtar, për të dorëzuar dokumentacionin sipas kritereve të përcaktuara”, u shpreh kryetari i Këshillit Drejtues, Fatjon Hoxhalli.
Po ashtu, gjatë mbledhjes, Këshilli miratoi edhe projektbuxhetin e Radio Televizionit Shqiptar për vitin në vijim.
Kujtojmë se më 18 mars, Fatjon Hoxhalli është zgjedhur në krye të Këshillit Drejtues të RTSH-së me 76 vota pro, 6 abstenime dhe 4 kundër.
Ndërkohë që anëtarët e këtij këshilli u zgjodhën si më poshtë:
-Enio Civici anëtar të Këshillit Drejtues të Radiotelevizionit Shqiptar”, u zgjodh me 77 vota pro, 2 kundër dhe 7 abstenim.
-Pano Xhixho anëtar të Këshillit Drejtues të Radiotelevizionit Shqiptar”, u zgjodh me 82 vota pro, 0 kundër dhe 5 abstenim.
-Alket Braho anëtar të Këshillit Drejtues të Radiotelevizionit Shqiptar”, u zgjodh me 55 vota pro, 6 kundër dhe 26 abstenim.
-Zamira Kita anëtare të Këshillit Drejtues të Radiotelevizionit Shqiptar”, u zgjodh me 77 vota pro, 1 kundër dhe 8 abstenim.
-Lorenc Vangjeli anëtar të Këshillit Drejtues të Radiotelevizionit Shqiptar”, u zgjodh me 72 vota pro, 5 kundër dhe 6 abstenim.
-Bujar Kapexhiu anëtar të Këshillit Drejtues të Radiotelevizionit Shqiptar”, u zgjodh me 75 vota pro, 5 kundër dhe 4 abstenim.
-Osman Mula anëtar të Këshillit Drejtues të Radiotelevizionit Shqiptar”, u zgjodh me 84 vota pro, 3 kundër dhe 1 abstenim.
-Petrit Beci anëtar të Këshillit Drejtues të Radiotelevizionit Shqiptar”, u zgjodh me 76 vota pro, 3 kundër dhe 5 abstenim.
-Rajmonda Bulku anëtare të Këshillit Drejtues të Radiotelevizionit Shqiptar”, u zgjodh me 78 vota pro, 7 kundër dhe 3 abstenim.
-Robert Budina anëtar të Këshillit Drejtues të Radiotelevizionit Shqiptar”, u zgjodh me 66 vota pro, 11 kundër dhe 9 abstenim.
Marrë nga Newsbomb.al
