Sipas të dhënave të Stockholm International Peace Research Institute (SIPRI), Serbia në vitet e fundit është furnizuar kryesisht me armë nga Rusia dhe Kina.
Një shembull është reagimi ndaj bashkëpunimit të sigurisë mes Kosovës, Shqipërisë dhe Kroacisë, të cilin zyrtarët serbë e kanë paraqitur si kërcënim për Serbinë.
E në lidhje me këtë temë në një prononcim për “Bota sot”, ka folur eksperti i sigurisë Arben Dashevci, i cili thekson se Serbia po e paraqet bashkëpunimin e Kosovës, Shqipërisë dhe Kroacisë si kërcënim për të justifikuar rritjen e fuqisë ushtarake dhe për të mobilizuar nacionalizmin në politikën e brendshme.
Ai shton se balanca reale e sigurisë në Ballkan garantohet nga NATO dhe KFOR-i, prandaj rritja e armatimit të Serbisë nuk e ndryshon realisht fuqinë në rajon, por mund të krijojë tensione për shkak të “dilemës së sigurisë”.
Marrë nga Botasot.info
