Kryetari i Bashkisë Tropojë, Rexhë Byberaj, do të përballet me Gjykatën e Posaçme kundër Korrupsionit dhe Krimit të Organizuar, pasi është marrë i pandehur dhe çështja e tij ka kaluar për gjykim.
Sipas Prokurorisë së Posaçme (SPAK), Byberaj dyshohet se ka kryer më shumë se një herë veprime dhe mosveprime në kundërshtim me detyrën, gjatë ushtrimit të funksioneve të tij zyrtare.
Hetimet lidhen me procesin e hapjes së rrugëve, ku, sipas organit të akuzës, nuk janë respektuar projektet e miratuara nga Këshilli Bashkiak.
Në këtë çështje penale, kryebashkiaku dyshohet se ka vepruar në bashkëpunim me nënkryetarin e bashkisë, Abedin Kërrnaja. Në bashkëpunim me njëri-tjetrin, Prokuroria e Posaçme thotë se Byberi dhe Kërrnaja kanë shkelur ligjin në për ndërtimin e dy rrugëve, duke i shkaktuar buxhetit të shtetit 277.611.520 lekë.
Marrë nga Syri.net
