Eksperti i IT-së, Tomi Kallanxhi ka folur së fundmi për mbylljen e aplikacionit TikTok. I ftuar në TV Klan, Kallanxhi u shpreh se tashmë aplikacioni është mbyllur vetëm nga kompanitë telefonike, ndërsa në pajisjet që janë të lidhura me internet wifi pra internet shtëpie është e vështirë për tu mbyllur.
Kallanxhi ngriti më tej dyshime se po tentohet të instalohet një software brenda ISP-ve që të monitohet çdo qytetar që çfarë trafiku bën apo çfarë sitesh viziton.
Sipas ekspertit rreziku është te pajisja që përdorin kompanitë. Ai thotë se software synon që të futet në telefonat e përdoruesve që ti bllokojë, duke ngritur kështu dyshime për një përgjim të mundshëm.
Kallanxhi: Është mbyllur vetëm nga kompanitë telefonike. Kurse në ISP, dmth në kompanitë që ofrojnë internet në shtëpi është e vështirë për tu mbyllur. Ka një skenar që po qarkullon nga agjenisa e sigurisë kibernetike që është duke u implementuar një skenar, që po tentohet të instalohet një software brenda ISP-ve që të monitorojnë çdo qytetar që çfarë trafiku bën, çfarë sitesh viziton etj.
Marrë nga Tvklan.al
