Idris Elba ka pushtuar Hollivudun me rolet ikonike në “The Wire” dhe “Luther”.
Tani, aktori i lindur në Londër po e zhvendos fokusin e tij në një skenë të re – një skenë që është 10 mijë milje larg. Elba, prindërit e së cilit vijnë nga Sierra Leone dhe Gana, është në një mision për të transformuar industrinë e argëtimit në Afrikë.
Vizioni i tij është ambicioz. Elba synon të ndërtojë studio filmike në të gjithë Afrikën, duke filluar nga Zanzibar, ishulli gjysmë autonom i Tanzanisë, i njohur për plazhet e tij me rërë të bardhë.
Ideja mori rrënjë vitin e kaluar kur Elba u takua me presidentin e Tanzanisë Samia Suluhu Hassan në Forumin Ekonomik Botëror në Davos. Diskutimet e tyre çuan në planet për studion e parë në Zanzibar – një lëvizje që Elba beson se mund të jetë blloku i parë ndërtimor i një qendre argëtimi globale, shkruan CNN.
Në gusht, qeveria e Zanzibarit i premtoi atij rreth 200 hektarë për të filluar ndërtimin.
