Qëndrimi i këngëtares shqiptare me famë botërore, Dua Lipa, lidhur me protestat që po zhvillohen prej 47 ditësh në Tiranë, ka tërhequr vëmendjen e mediave më të rëndësishme ndërkombëtare.
Rrjeti prestigjioz britanik SkyNews i ka kushtuar një artikull të veçantë reagimit të yllit të popit. Në shkrimin e tyre, SkyNews thekson se këngëtaren me origjinë shqiptare e kanë frymëzuar qytetarët që po kundërshtojnë planet për një kompleks luksoz në zonën e mbrojtur, projekt që lidhet me emrin e dhëndrit të Donald Trump, Jared Kushner.
Media britanike vë në dukje gjithashtu klimën e tensionuar në kryeqytetin shqiptar, duke përmendur se demonstratat e vazhdueshme kanë qenë shpesh skenë përleshjesh mes policisë dhe protestuesve.
“Dua Lipa ka shprehur mbështetjen e saj për shqiptarët që protestojnë kundër planeve për një vendpushim luksoz të lidhur me dhëndrin e Donald Trump, Jared Kushner. Ylli i popit, e cila ka prindër shqiptarë të Kosovës, i përshkroi protestat si ‘frymëzuese’ gjatë pjesëmarrjes së saj në një podkast”.
Marrë nga Sky News
