Ish-kryeministri i Maqedonisë së Veriut, Ljubço Georgievski tha në një prej emisioneve vendase se afër Manastirit është zbuluar vendbanimi më i vjetër në Evropë, por mbahet i fshehtë.
“Para rreth 20 ditësh, universitetet gjermane njoftuan se një ekip ndërkombëtar arkeologësh, në të cilin marrin pjesë edhe grekë, gjë që është shumë interesante, përcaktoi se vendi – vendbanimi Vlaho afër Manastirit, është vendbanimi më i vjetër në Evropë, i periudhës së Neolitit. Ky informacion nuk është i disponueshëm në Maqedoni për 20 ditë. A e dini pse? Pas publikimit të kësaj, arkeologët serbë filluan një sulm se si mund të ketë diçka më të vjetër se Lepenski Vir”, tha ish-kryeministri Ljubço Georgievski në emisionin “Triling”.
Ai shtoi se tani besohet se Lepenski Vir është vendbanimi më i vjetër në Evropë dhe se është i habitur që askush nuk po flet për faktin se sipas zbulimeve të reja vendbanimi më i vjetër është në Maqedoni.
Ai theksoi se ky është shembull se ne si shtet jemi nën kontrollin e huaj.
Marrë nga TCH
