Biznesmeni i njohur kosovar, Behgjet Pacolli është paraqitur sot në ambientet e Prokurorisë së Tiranës. Mësohet se Pacolli do të pyetet për një çështje në hetim, lidhur me aeroportin e Vlorës.
Sakaq javët e fundit nuk kanë qenë aq të qeta për bizmnesmenin pasi ka patur përplasje me ortakët e tij, pjesë të koncesionarit që po ndërton aeroportin.
Në thelb të bllokimit të aeroportit të Vlorës, qëndron një konflikt mes dy aksionerëve të tij për pjesën e kuotave. Aktualisht Behgjet Pacolli zotëron 98 për qind të kuotave në në aeroportin e Vlorës, përmes shoqërisë Mabco. Ndërsa Valon Ademi me kompaninë 2A Group zotëron 2 për qind. Por Ademi pretendon se atij i takon të ketë 47 për qind të aksioneve.
Marrë nga Dosja.al
