Udhëheqësi i Demokracisë Serbe, Aleksandar Arsenijeviq, është arrestuar të martën në veri. Siç ka thënë Petrit Fejza nga Policia e Kosovës në veri, Arsenijeviqi dhe një person tjetër janë arrestuar për prishje të rendit dhe qetësisë publike.
Mësohet se Arsenijeviq ka protestuar kundër vizitës së kryeministrit Albin Kurti. Gjatë kësaj kohe, Kurti po qëndronte në një restorant në fillim të sheshit në Mitrovicën e Veriut, i shoqëruar nga ministrat Xhelal Sveçla e Elbert Krasniqi.
Siç ka shkruar media lokale “kossev”, në qendër të qytetit ka patur forca të shtuara të Policisë së Kosovës.
Aleksandar Arsenijeviq, u lirua pas arrestimit disa orësh. Ai u arrestua për pengim të vizitës së kryeministrit Kurti në komunat veriore.
