Prokurorët turq kanë ngritur akuza të reja kundër kryetarit të bashkisë së Stambollit, Ekrem Imamoglu. Prokurori akuzon Imamoglun dhe 11 persona të tjerë, përfshirë kryetarin e bashkisë së Izmirit, për ndërhyrje të paligjshme në kongresin kryesor të opozitës 2 vjet më parë me qëllim zgjedhjen e presidentit aktual Ozel në vend të Kilicdaroglu.
Ai po bën thirrje për një dënim me tre vjet burg për Imamoglun, që do të thotë ndalim i aktivitetit politik për kryetarin e bashkisë së Stambollit. Në të njëjtën kohë, këto zhvillime kanë nxitur skenarë për anulimin e rezultatit të kongresit të partisë kryesore të opozitës, me analistët që vënë në dukje se ekziston mundësia që ish-Presidenti Kilicdaroglu të emërohet komisioner shtetëror në parti.
Imamoglu, u arrestua më 19 mars nën akuza për korrupsion dhe terrorizëm. Ai është kundërshtari kryesor ndaj sundimit 22-vjeçar të presidentit turk, Recep Tayyip Erdogan. Burgosja e tij është parë gjerësisht si e motivuar politikisht dhe ka nxitur protesta mbarëkombëtare. Qeveria ka insistuar se gjyqësori në Turqi është i pavarur dhe nuk ndikohet politikisht.
Marrë nga Dosja.al
