E vënë në alarm, policia boshnjake ka nisur menjëherë një hetim pas lajmit se Milorad Dodik ka kaluar kufirin drejt Serbisë, pavarësisht se ndaj tij ishte lëshuar mandate arresti.
Fletë-arresti, që është aktualisht i vlefshëm për territorin e Bosnje-Hercegovinës, i detyron të gjitha agjencitë policore në vend që të arrestojnë Dodikun, Vishkovicin dhe Stevandicin në momentin e parë që ndeshen me ta dhe t’ia dorëzojnë policisë gjyqësore.
Pak ditë më parë, një grup deputetësh të Parlamentit Europian i bënë thirrjen shefes së diplomacisë së BE-së, Kaja Kallas të ndërmarrë hapa të menjëhershëm për të vendosur sanksione ndaj Millorad Dodikut. Përmes një letre, të nënshkruar nga 28 anëtarë të Parlamentit, Kallasit i kërkohej ndëshkimi i Dodikut për veprimet e tij të fundit që synojnë ndarjen e Republikës Sërpska nga Bosnja e Hercegovina.
Marrë nga Top Channel
