Prokuroria e Posaçme dhe Byroja Kombëtare e Hetimit kanë zbarkuar në Elbasan për hetimet e krimeve zgjedhore të kryera në fazën parazgjedhore, ashtu edhe në ditën e votimit në këtë qark.
SPAK dhe BKH, raportohet se po mbledhin materiale dhe prova për raste të dyshuara si blerje vote, kërcënime ndaj votuesve, shfrytëzim i paligjshëm i administratës publike nga ana e disa kryebashkiakëve për qëllime elektorale.
Po ashtu raportohet se ka dyshime për përfshirje të disa bizneseve të mëdha si edhe të grupeve të strukturuara kriminale në procesin zgjedhor. Kontrolle dhe hetime të tilla ditët e mëparshme ka pasur edhe në Shkodër, Librazhd dhe Peqin.
Marrë nga Dosja.al
