Kryeministri serb Millosh Vuçeviç ka dhënë dorëheqje nga posti i kryeministrit.
Siç ka deklaruar Vuçeviç, dorëheqja e tij është e parevokueshme. Ai tha se presidenti serb Aleksandar Vuçiç e ka pranuar vendimin dhe argumentet e tij.
Dorëheqja, vjen pas protestave që e kanë përfshirë Serbinë që prej nëntorit, kur 15 persona humbën jetën nga shembja e strehës në një stacion hekurudhor në Novi Sad.
Vuçeviç deklaroi se politika së cilës i përket, partia që ai drejton, partia që fitoi, duhet të tregojë shkallën më të lartë të përgjegjësisë, të sjellë dhe të tregojë rregulla të reja të së drejtës në politikën serbe, të tregojë se është më e përgjegjshmja.
“Të dashur qytetarë, kur mora mandatin për të formuar qeverinë në fund të prillit të vitit të kaluar, pata një ndjenjë të fortë krenarie. Jam munduar të kuptoj përgjegjësinë që ka kjo punë .
Kjo politikë të cilës i përkas, partia që unë drejtoj, partia që fitoi, duhet të tregojë shkallën më të lartë të përgjegjësisë, të sjellë dhe të tregojë rregulla të reja të së drejtës në politikën serbe, të tregojë se është më e përgjegjshmja”.
Ai shtoi se vendimi i tij i parevokueshëm është të japë dorëheqjen si kryeministër i Republikës së Serbisë duke treguar se presidenti Aleksandër Vuçiç pranoi vendimin dhe argumentet e tij.
“Pas kësaj ngjarjeje në Novi Sad, vendimi im i parevokueshëm është të jap dorëheqjen si kryeministër i Republikës së Serbisë.
Kam pasur një takim të gjatë me presidentin Vuçiç, ai pranoi vendimin dhe argumentet e mia. Ajo që hodhi hije ishte tragjedia e madhe në Novi Sad, humbja e 15 jetëve.
Që nga ai moment, Serbia dukej se kishte ngecur në atë fatkeqësi. Edhe këtu qeveria ka treguar përgjegjësi, dy ministra kanë dhënë dorëheqje, drejtorë, prokuroria ka punuar, është treguar se nuk ka të mbrojtur e të privilegjuar”..
Presidenti i Serbisë, Aleksandar Vuçiç, një ditë më parë kërkoi ristrukturimin e Qeverisë.
Në Serbi, sipas Kushtetutës, kryerparlamentari do ta njoftojë presidentin dhe në seancën e radhës, konstatohet dorëheqja e kryeministrit. Mandati i Qeverisë përfundon në ditën e konfirmimit të dorëheqjes.
Presidenti detyrohet të fillojë procedurën për zgjedhjen e Qeverisë së re, që nëse nuk zgjidhet brenda 30 ditëve nga dorëheqja e kryeministrit paraprak, presidenti detyrohet ta shpërndajë Kuvendin dhe t’i shpallë zgjedhjet e reja.
Marrë nga Blic.rs
