Miliarderi Elon Musk ka mbështetur ish-të dërguarin special të presidentit Donald Trump për dialogun Kosovë-Serbi, Richard Grenell për mbylljen e dy mediave. Sipas Grenell, Zëri i Amerikës dhe Radio Europa e Lirë financohen nga taksapaguesit amerikanë.
Pas tij, në një postim në platformë ‘X’, edhe Musk ka bërë thirrje që të mbyllet Zëri i Amerikës dhe Radio Europa e Lirë. Ai shprehet se pas dy mediave janë persona të çmendur të së majtës radikale “që flasin me veten e tyre ndërsa shpenzojnë 1 miliard dollarë në vit nga paratë e taksapaguesve amerikanë”.
“Mbyllini ato.
1. Evropa tani është e lirë (pa përfshirë burokracinë shtypëse).
2. Askush nuk i dëgjon më.
3. Janë thjesht njerëz të çmendur të së majtës radikale që flasin me veten e tyre ndërsa shpenzojnë 1 miliard dollarë në vit nga paratë e taksapaguesve amerikanë,“-shprehet Musk.
Marrë nga Lapsi.al
