Christine Pelosi, avokate, aktiviste për të drejtat e grave, operatore e Partisë Demokratike dhe vajza e kongresmenes veterane Nancy Pelosi, tha të hënën se po nis fushatën për të përfaqësuar San Franciskon në Senatin e Shtetit.
Njoftimi është befasues dhe vjen pas spekulimeve të shumta në vitet e fundit se Pelosi do përpiqej të pasonte nënën e saj në Kongres. Nancy Pelosi njoftoi javën e kaluar se ajo nuk do kërkojë një mandat të 21-të në Dhomën e Përfaqësuesve, duke e lënë betejën për vendin e saj te Senatori i Shtetit Scott ëiener dhe milioneri progresist i teknologjisë Saikat Chakrabarti.
Në një video 42-sekondëshe të postuar në rrjetet sociale të hënën, Pelosi e re theksoi kredencialet e saj për Senatin e Shtetit, duke renditur prioritetet ku do përqendrohej si ligjvënëse, duke përfshirë të drejtat e konsumatorëve dhe të grave, si dhe planet për të ndihmuar emigrantët dhe të mbijetuarit e dhunës me armë.
Duke shpallur kandidaturën e saj kaq shpejt, Pelosi mund të kërkojë të sigurojë miratime të hershme dhe të ndërtojë një financim për fushatën, një specialitet i nënës së saj, një shefe e mbledhjes së fondeve për Partinë Demokratike për dekada.
Marrë nga Associated Press
