Bordi drejtues i New York Times publikoi të hënën një deklaratë për zëvendëspresidenten amerikane Kamala Harris, duke e quajtur atë “zgjedhjen e vetme patriotike për presidente” duke pikturuar një pamje të zymtë të një mandati të dytë për ish-presidentin Donald Trump.
Në vend të lavdërimeve për kandidatin e tij të preferuar, bordi e mbështeti miratimin e tij për Harris duke renditur argumentet kundër Trump. “Është e vështirë të imagjinohet një kandidat më i padenjë për të shërbyer si president i Shteteve të Bashkuara” – shkruan bordi redaktues i NY Times.
“Kjo e vërtetë e dëshpëruese se Donald Trump nuk është i përshtatshëm për të qenë president duhet të jetë e mjaftueshme që çdo votues që kujdeset për shëndetin e vendit tonë dhe stabilitetin e demokracisë sonë, t’i mohojë atij rizgjedhjen” – shprehet bordi, i përbërë nga 14 gazetarë opinionistë. “Për këtë arsye, pavarësisht nga mosmarrëveshjet politike që votuesit mund të kenë me të, Kamala Harris është zgjedhja e vetme patriotike për presidente” – thuhet në shkrim.
Mbështetja për Harris nuk është surprizë. Bordi editorial i NYT nuk ka mbështetur një republikan për president që nga Dwight Eisenhower në 1956-ën. Në korrik, 10 ditë përpara se presidenti Joe Biden të largohej nga gara (dhe pasi bordi i bëri thirrje që ta bënte këtë), ata botuan një editorial prej 5 pjesësh, mjaft të ashpër kundër Trumpit.
Në shkrimin e së hënës NYT shkruan se Harris është në kontrast të plotë me Trump, si një “shërbyese publik e përkushtuar” e cili është “më shumë se një alternativë e nevojshme”. Bordi fokusohet në planet e Harris për ekonominë, kujdesin shëndetësor, politikën e jashtme dhe emigracionin si arsye për zgjedhjen e saj mbi Trump. Për këto arsye, ata shkruajnë, “Kamala Harris është zgjedhja e vetme”.
