“New York Times” ka zbuluar detaje interesante nga ajo që ndodhi në konkalvën e zhvilluar me dyer të mbyllura dhe nga e cila u zgjodh Papa i ri. Sipas saj, në fillim ishin “tre pretendentë kryesorë”: kardinali italian Pietro Parolin, amerikani Robert Francis Prevost dhe hungarezi Peter Erdo. Kështu e përshkruan shkrimi mbrëmjen e parë të Konklavës.
Kardinali hungarez Peter Erdo, 72 vjeç, i mbështetur nga një koalicion konservator që përfshinte disa mbështetës afrikanë, dukej se nuk kishte potencial për të siguruar mbështetje midis një elektorati kardinalësh të emëruar kryesisht nga Françesku.
Të shtunën, më 3 maj, 5 ditë para konklavës, kardinalët hodhën short për pozicionet dhe Prevosti u zgjodh për të ndihmuar në drejtimin e mbledhjeve të përditshme përpara se të fillonte votimi. Sa më shumë e njihnin kardinalët, aq më shumë i vlerësonin metodat e tij. Aq shumë sa thuhet se Kardinali Joeph W. Tobin i Newark-ut i tha: “Bob, mund të të propozojnë.”
“Në votimin e katërt, votat shkuan në mënyrë dërrmuese drejt Kardinalit Prevost”, thotë Kardinali You i Koresë së Jugut. Ndrësa Kardinali Tagle, i cili në ditët para konklavës renditej si një nga të preferuarit thuhet se e pa duke marrë frymë thellë: “E pyeta: A do një karamele?” Dhe ai tha: “Po.” Kardinali Tobin i Nju Xhersit shtoi se e pa Prevost gjatë njërit prej votimeve “me kokën në duar”.
Votimi përfundimtar do të zhvillohej pasdite. Kur Kardinali Prevost arriti 89 vota, pragu i dy të tretave të nevojshme për t’u bërë Papë, Kapela Sistine thuhet se “shpërtheu në një valë duartrokitjesh në këmbë”. Por ai, thotë Davidi, “mbeti ulur! Dikush duhej ta ngrinte. Të gjithëve na erdhën lotët në sy.” Ndërkohë, votat po i afroheshin treshifroreve. Kardinali Désiré Tsarahazana i Madagaskarit tha: “Ai mori një shumicë shumë, shumë të madhe votash”.
Marrë nga New York Times
