Parlamenti i Izraelit aprovoi me lexim të parë projektiligjin që vendos dënimin me vdekje për terroristët që vrasin qytetarë izraelitë.
“Jemi në rrugën e duhur për të shkruar historinë. Premtim i bërë, premtim i mbajtur”, shkroi në platformën X ministri i Sigurisë Kombëtare, Itamar Ben-Gvir, një figurë kryesore e së djathtës ekstreme izraelite, i cili më herët kishte kërcënuar ta tërhiqte qeverinë e tij nga koalicioni i kryeministrit Benjamin Netanyahu nëse projektligji nuk hidhej për votim në Kneset.
Komiteti i sigurisë kombëtare i parlamentit izraelit e justifikoi OK-in e dhënë projektligjit me arsyetimin se qëllimi i tekstit ishte “të shkatërronte terrorizmin në rrënjë dhe të krijonte një pengesë të fortë”. “Çdo terrorist që është gati të kryejë një vrasje duhet ta dijë se ka vetëm një dënim: dënimin me vdekje”, deklaroi Ben Gvir.
Miratimi në Kneset vjen në një kohë kur edhe pse po ende po të zbatohet, marrëveshja e armëpushimit mes Izraelit dhe Hamasit e arritur në 10 tetor nën presionin e SHBA-së, vijon të mbetet e brishtë.
Marrë nga Reuters
