Deputetja e PD, Dhurata Çupi i është drejtuar me anë të një kërkese zyrtare institucioneve në vend lidhur me dyshimet se në Shqipëri mund të jetë duke u përdorur pajisja DPI për bllokimin e aksesit të aplikacionit TikTok.
Çupi, e vetmja deputete që ka reaguar në lidhje me këtë çështje, u shpreh se teknologjia në fjalë përdoret vetëm në vendet jo demokratike si Rusia, Bjellorusia dhe Kina për të bllokuar aksesin në internet. Ajo thekson se “DPI (Deep Packet Inspection) mund të marrë padrejtësisht të dhënat e qytetarëve nga celularët smartphone, tabletat, kompjuterat apo pajisjet e tjera të cilat përdorin internet”.
Me një kërkim të thjeshtë mësohet se kjo teknologji përdoret rëndom në vendet jodemokratike si Rusia, Bjellorusia dhe Kina të cilat nuk kanë asgjë të përbashkët me demokracitë e vendeve perëndimore apo me ato të Bashkimit Europian”, thuhet në shkresën e Çupit.
Marrë nga Balkanweb.com
