Të mërkurën e 22 janarit, Gjykata Kushtetuese do të marrë në shqyrtim në seancë plenare, padinë e PD, e cila kërkon që ligji “Për Akademinë e Shkencave”, të shfuqizohet, si i papajtueshëm me Kushtetutën.
Përmes një postimi në rrjetet sociaale, ligjvënësja demokrate, Ina Zhupa, iniciuesja kryesore e padisë në Kushtetuese të këtij ligji, thotë se ai është miratuar në shkelje të plotë të procedurave parlamentare, duke anashkaluar pushtetin legjislativ dhe duke Kushtetutën e vendit.
Të mërkurë 22 Janar, në orën 10:00 në Gjykatën Kushtetuese zhvillohet seanca e parë plenare publike, mbi padinë për antikushtetueshmërinë e ligjit “Për Akademinë e Shkencave”.
Një ligj i miratuar në shkelje të plotë të procedurave parlamentare duke nëpërkëmbur pushtetin legjislativ dhe duke shkelur kushtetutën e vendit që konsideron me efekt NUL ato vendimarrje të kuvendit qe janë marr pa ndjekur procedurën. Gjithashtu një ligj nuk respekton akademikët sepse nuk garanton barazinë e tyre para ligjit. Ose të gjithë akademikët mbi 75 vjec mund të zgjidhen ose asnjëri. Ose të gjithë akademikët mbi 75 vjec bëhen emeritus ose asnjëri.
Ftoj mediat ta ndjekin seancën, gjithashtu në orën 12:00 do kem një prononcim për gazetarët përpara Gjykatës Kushtetues.
Marrë nga Syri.net
