Numërimi i votave për deputet në Kosovë ka përfunduar. Komisioni Qendror i Zgjedhjeve ka publikuar të enjten rezultatin preliminar të zgjedhjeve parlamentare të 9 shkurtit në Kosovë, pas numërimit të 100 për qind të votave nga vendvotimet.
Sipas të dhënave të publikuara nga KQZ, Lëvizja Vetëvendosje ka marrë 40.80% të votave, ose 342 mijë e 281 vota gjithsej. Në përditësimin e mëparshëm, kur ishin ende shtatë vendvotime për t’u procesuar, LVV kishte 341,672 vota (40.84%). Kjo përfaqëson një rritje prej 609 votash.
Partia Demokratike e Kosovës (PDK) ka marrë 184,811 vota (22.03%). Lidhja Demokratike e Kosovës (LDK) tani numëron 147,888 vota (17.63%). Koalicioni AAK, Nisma dhe aleatët e tjerë kanë grumbulluar 62,588 vota (7.46%).
Megjithatë, Lëvizja Vetëvendosje, e cila ka siguruar më së shumti vota në këtë proces zgjedhor, nuk i ka 61 deputetë për miratim të kabinetit të ri qeveritar.
Ndërkohë partitë opozitare, PDK, LDK, dhe AAK, kanë hedhur poshtë mundësinë e krijimit të koalicionit me LVV-në dhe kanë shprehur gatishmëri për formimin e një Qeverie së bashku.
Marrë nga Newsbomb.al
